Ռիհանա vs Բեյոնսե. «աստղային պատերազմ» «Գրեմմի»-ի նախաշեմին
13:15 8 դեկտեմբերի, 2016Իզուր չէ, որ աստղերի մեծ մասը չի սիրում Բեյոնսեին, եւ խնդիրը երգչուհու տաղանդի եւ հաջողության մեջ չէ, այլ նրա քմահաճությունների: Հայտնի է, որ 2017 թվականի փետրվարի 12-ին նախանշված «Գրեմմի» մրցանակաբաշխությանը Բեյոնսեն առաջադրված է 9 անվանակարգերում, մինչդեռ Ռիհանան (ինչպես նաեւ Քանյե Ուեսթը, Դրեյքն ու Ադելը)՝ ութ անվանակարգում:
Առայժմ հայտնի չէ, թե ինչպես է անցնելու արարողությունը, քանի որ կազմակերպիչները ստիպված կլինեն մի կողմից բավարարել Բեյոնսեի քմահաճությունները, որը տանել չի կարողանում Ռիհանային (ամուսնուն կասկածում է նրա հետ իրեն դավաճանելու մեջ) եւ Քանյե Ուեսթին, եւ մրցանակաբաշխության կազմակերպիչները ստիպված կլինեն ջանքեր գործադրել, որպեսզի արարողության ժամանակ խուսափեն սկանդալներից (Բեյոնսեն ուզում է առաջինը ելույթ ունենալ, մինչդեռ մյուս արտիստները կտրականապես դեմ են սրան):
Բայց մինչ այդ դեռ ժամանակ կա, իսկ առայժմ Ռիրիի եւ Բեյոնսեի փոխադարձ հակակրանքը բացահայտ է դառնում:
Այս մասին լուրեր տարածվեցին այն բանից հետո, երբ Ռիհանան հավանել է իր երկրպագուներից մեկի էջում տեղադրված լուսանկարը: Երգչուհու լուսանկարի տակ երկրպագուն գրել էր, որ «Տարվա երգ» եւ «Տարվա ալբոմ» անվանակարգերում «Գրեմմի»-ի արժանի Ռիհանան, այլ ոչ Բեյոնսեն:
Եվ մինչ երգչուհիների երկրպագուները վիճաբանություն են սկսել, որոշ ժամանակ անց Ռիհանան իր երկրպագուի էջում գրել է.
«Ես լուսանկարը հավանեցի՝ առանց ձեր մեկնաբանությունը կարդալու: Այս ամենը ոչ ոքի պետք չէ: Վերջացրեք, ժողովուրդ, անիմաստ է: Պետք չէ երկու սեւամորթ կանանց միմյանց դեմ հանել: Բոլորս էլ արժանի ենք հարգանքի եւ հաղթանակի»:
Իսկ ավելի ուշ պապարացիները Ռիհանային «բռնացրել» են Նյու Յորքում:
28-ամյա երգչուհին հանրությանը ներկայացել է հսկայական ակնոցով եւ Louis Vuitton-ից պայուսակով:
Աղբյուրը՝ Daily Mail
Լուսանկարները՝ Startracks-ի