Նախկինում վամպիրները ոչ թե հմայիչ մարդիկ էին, այլ աննորմալ էակներ. Իեն Սոմերհոլդերը դարձավ 38 տարեկան
15:20 8 դեկտեմբերի, 2016Աշխարհի ամենահմայիչ վամպիրը՝ «Վամպիրի օրագրերը» հայտնի հեռուստասերիալի աստղ Իեն Սոմերհոլդրն, այսօր նշում է ծննդյան 38-ամյակը:
Մինչ ֆիլմերում նկարահանվելը դերասանը զբաղվում էր մոդելինգով: Նրան սկսեցին ճանաչել Lost հեռուստասերիալի շնորհիվ, սակայն Իենին գլխապտույտ ճանաչում բերեց վամպիրների մասին պատմող ամենահայտնի հեռուստասեևրիալում Դեյմոնի կերպարը:
Սոմերհոլդերի աշխարհը չի սահմանափակվում միայն ֆիլմերով եւ շոու-բիզնեսով: Դերասանն ակտիվ աջակցություն է ցուցաբերում բնությանն ու կենդանիներին: Նա հիմնադրել է Ian Somerhalder Foundation-ը, որը զբաղվում է բնապահպանական հարցերով:
Դե, իսկ դերասանի անձնական կյանքը վաղուց արդեն գաղտնիք չէ երկրպագուների համար: Հեռուստասերիալների նկարահանումերի ընթացքում Իենը սիրավեպ է սկսում իր խաղընկերուհու՝ Էլենային մարմնավորող Նինա Դոբրեւի հետ: Սակայն Սոմերհոլդերի վերջնական ընտրությունը կանգնում է մեկ այլ վամպիրուհու՝ «Մթնշաղ» ֆիլմի աստղ Նիկի Ռիդի վրա: Զույգն ամուսնացել է 2015 թ-ի ապրիլին:
«Վամպիրի օրագրեր»-ում Դեյմոնի ցանկացած արտահայտություն կամ ծիծաղեցնում կամ էլ հուզում է ֆիլմի երկրպագուներին: Իսկ ի՞նչ մտքեր է արտահայտում Իեն Սոմերհոլդերը: Ներկայացնում ենք դրանցից մի քանիսը:
«Շատ ծանոթներ ունեմ, բայց իրական ընկերներս երկուսն են: Նրանց ես վստահում եմ ամեն ինչ»:
«Նախկինում վամպիրները ոչ թե հմայիչ մարդիկ էին, այլ ֆիզիկական թերություն ունեցող աննորմալ էակներ: Իսկ հիմա նրանք դարձել են չափազանց գրավիչ»:
«Երբ դու մտերիմ ես ինչ-որ մեկի հետ, նա կարող է քեզ հետ կատակել ցանկացած թեմայով, բայց հաճախ մարդիկ կպնում են քո ամենացավոտ տեղերին»:
«Ինձ համար կարեւոր չէ, թե որքան սեքսուալ է աղջիկը: Եթե նա չի սիրում կենդանիներին, ուրեմն ես ոչինչ չեմ կարող նկատել նրա մեջ»:
«Ասում են՝ դեպի տղամարդու սիրտը տանող միակ ճանապարհը ստամոքսի միջով է անցնում: Կարծում եմ՝ նույնը կարելի է ասել նաեւ կանանց մասին: Համենայն դեպս, ինձ դուր են գալիս այդպիսի կանայք»:
«Չափազաանց շատ եմ մտածում: Միշտ այնքան շատ բաներ եմ ցանկանում անել…»:
«Աշխարհում կատարվող շատ բաներ ինձ, պարզապես, խենթացնում են»:
«Հրաշալի զգացողություն է, երբ գնում ես աշխատանքի եւ իրապես հավանում ես քո հերոսի արտահայտած յուրաքանչյուր բառ»:
«Չեմ պատկերացնում, թե ինչով պետք է զբաղվեի, եթե չլինեի դերասան»:
«Ոչ-ոք չգիտի, թե ինչ է ցանկանում կինը»:
«Վերջերս հասկացա, որ հոգնել եմ ինքս ինձ լուրջ վերաբերվելուց»:
Սյունե Առաքելյան