1. Ձու
Ձուն խոլին անվանումով նյութ է պարունակում, որն օգնում է ավելի շատ ազոտի օքսիդ արտադրել: Այն լավացնում է արյան շրջանառությունը՝ անհրաժեշտ քանակությամբ արյուն մղելով դեպի ծլիկ: Բացի այդ՝ ձուն առողջ սպիտակուց է պարունակում, ինչն օրգանիզմին էներգիա է հաղորդում, որն անհրաժեշտ է ակտիվ ու երկարատեւ սեռական ակտի համար:
2. Սպանախ
Սպանախում մեծ քականությամբ մանգան կա, որը մեծացնում է էստրոգեն հորմոնի քանակությունը: Էստրոգենն իր հերթին օգնում է վերահսկել պրոլակտին հորմոնի մակարդակը: Մեծ քանակությամբ պրոլակտինը կանանց մոտ սեռական դիսֆունկցիա է առաջացնում, ինչից խուսափելու համար հարկավոր է սննդակարգում սպանախ ներառել:
3. Ավոկադո
Ոչ բոլոր ճարպերն են միանման, եւ ավոկադոյում առկա առողջ ճարպերը դրա հրաշալի ապացույցն են: Դրանք օգնում են նորմայի սահմաններում պահել լավ խոլեստերինի մակարդակը, որը նպաստում է սեքսի հորմոնների կարգավորմանը: Այդ պատճառով, որպեսզի ավելի հաճախ սեռական մերձեցում ցանկացաք եւ կարողանաք, սննդակարգում ավոկադո ներառեք:
4. Ոստրե
Ոստրեն, թերեւս, ամենահայտնի մթերքն է, որը աֆրոդիզիակ անունն է ստացել: Ոստրեներում տպավորիչ քանակությամբ տարատեսակ կարեւոր վիտամիններ եւ հանքանյութեր կան, որոնցից գլխավորը տեստոստերոնի մակարդակը բարձրացնող ցինկն է: Ընթրիքին մատուցված մեկ բաժին ոստրեն կօգնի, որպեսզի տղամարդն ամբողջ գիշեր սիրով զբաղվի քեզ հետ: Կանանց վրա նույնպես ոստրեները բարենպաստ ազդեցություն են ունենում:
5. Դառը շոկոլադ
Շոկոլադը ֆենիլէթիլամին է պարունակում, որն օգնում է մեծացնել հաճույքի ինտենսիվությունը: Դառը շոկոլադն օգնում է վայելել սեքսից ստացած զգացողությունները:
Եթե նախաճաշին սպանախով ձվածեղ ուտես, ճաշին՝ ավոկադոյով աղցան, իսկ ընթրիքին՝ ոստրե եւ շոկոլադ, վստահ եղիր, որ կարձագանքես անգամ ամենաթեթեւ հպմանը: Ճիշտ սնվիր եւ վառ օրգազմ ապրիր:
Աղբյուրը՝ Ivona