Universal կինոընկերությունը Youtube-ի իր ալիքում ներկայացրել է The Fate of the Furious («Ֆորսաժ 8») ֆիլմի առաջին անոնսը: Ժապավենի երկրպագուները երկար չեն սպասի՝ Վին Դիզելի, Շարլիզ Թերոնի, Դուեյն Ջոնսոնի եւ այլ հերոսների խաղը վայելելու համար:
Ֆիլմում նկարահանվել են Ջեյսոն Սթեթհեմը, Սթոք Սիթվուդը, Ջորդանա Բրյուսթերը, Քուրտ Ռասելը եւ Հոլիվուդի այլ աստղեր:
Խումբը վերջապես նորմալ կյանքին նման ինչ-որ բան է ձեռք բերել. Դոմն ու Լետտին մեղրամսի ուղեւորության են մեկնել, Բրայանն ու Միան դուրս են եկել խաղից, իսկ թիմի մյուս անդամներին ազատել են պատասխանատվությունից: Սակայն խորհրդավոր կինը (Շարլիզ Թերոն) կրկին Դոմին ներգրավում է հանցավոր աշխարհի գործերում, որտեղից նա, կարծես, ոչ մի կերպ չի կարողանում պոկվել, եւ ստիպում դավաճանել իր մտերիմներին: Խումբը ստիպված կլինի նոր փորձությունների դիմակայել:
16 վայրկյան տեւողությամբ հոլովակից հետեւում է, որ այս հանգստյան օրերին Վին Դիզելը կանցկացնի The Fate of the Furious-ի առաջին թրեյլերի հանդիսավոր պրեմիերան: