Հայկական թեյ կամ առաջին օգնություն մրսածության ժամանակ. NEWS.am STYLE-ի բաղադրատոմսը
17:06 11 դեկտեմբերի, 2016Հայկական թեյը պատրաստվում է բարձրլեռնային օգտակար խոտաբույսերից եւ բուրավետ համեմունքների: Ուրցը նպաստում է դիմադրողականության բարձրացմանը, մեխակն ու անանուխը հակաբակտերիալ հատկություն ունեն, իսկ կոճապղպեղը ջերմացնում է երկար ձմեռային երեկոներին: Թունդ խմիչքի սիրահարները կարող են 50 մլ կոնյակին ավելացնել, եւ մրսածությունը վստահաբար կշրջանցի ձեզ:
Հայկական թեյ պատրաստելու համար հարկավոր է.
Ուրց՝ 2 ճ/գ;
Սրոհունդ (зверобой)` 2 ճ/գ;
Անանուխ՝ 2 ճ/գ;
Դարչին՝ 2 փայտիկ;
Մեխակ՝ 7-8 հատ;
Կոճապղպեղ (աղացած)՝ 0.5 թ/գ (կամ արմատի 2 սմ-անոց հատված);
Ջուր՝ 1.5 լիտր;
Կոնյակ՝ 50 մլ (ըստ ցանկության):
Ուրցը, սրոհունդը եւ անանուխն աճում են Հայաստանի լեռներում, իսկ մնացած բաղադրիչներն էլ կարելի է գտնել խանութներում:
Նախ ջուրը հասցրեք եռման աստիճանի, այնուհետեւ ավելացրեք դարչինը, մեխակն ու կոճապղպեղը:
Ցածրացրեք կրակն ու 5-6 րոպե եռացրեք համեմունքներով ջուրը: Թեյնիկը եռացրած ջրով ողողեք, ավելացրեք սրոհունդը, անանուխը եւ ուրցը:
Վրան լցրեք համեմունքներով եռացրած ջուրը: 5-7 րոպե թրմեք:
Առողջ եղեք...
Ձեր՝ Մաշա