Աշխատավայրում բուռն աշխատանքի իմիտացիա ստեղծելու 5 կանոն
20:14 9 փետրվարի, 2017Կանոն 1. Երբեք մի քայլեք՝ առանց ձեռքին որեւէ փաստաթուղթ ունենալու
Փաստաթղթերը ձեռքին շրջող մարդիկ կարեւոր հանդիպման գնացող լարված աշխատողի տեսք ունեն, իսկ դատարկ ձեռքով մարդկանց տեսնելիս թվում է, թե սրճարան են գնում: Թերթը ձեռքին մարդիկ այնպիսի տեսք ունեն, կարծես զուգարան են գնում: Բացի այդ, երեկոյան տուն գնալիս մի ամբողջ կույտ տարբեր թղթեր տարեք՝ տպավորություն ստեղծելով, որ ավելի շատ եք աշխատում, քան իրականում թվում է:
Կանոն 2. Համակարգիչն օգտագործեք՝ զբաղված երեւալու համար
Ամեն անգամ, երբ օգտվում եք համակարգչից, պատահական դիտողի համար «աշխատանք» է: Դուք կարող եք անձնական էլեկտրոնային նամակներ ստանալ եւ գրել, մի խոսքով՝ ինչ ուզում եք: Եթե ձեր ղեկավարը բռնացնի ձեզ, իսկ նա անպայման կբռնացնի, կարող եք պաշտպանվել՝ հայտարարելով, որ նոր ծրագրային ապահովում եք ուսումնասիրում եւ գումար տնտեսում, որը կծախսեիք ուսման համար:
Կանոն 3. Խառնաշփոթ սեղանին
Բարձրագույն ղեկավարությունը կարող է հեռանալ՝ սեղանը դատարկ թողնելով: Իսկ մնացյալների պարագայում դա այնպիսի տեսք ունի, կարծես բավականաչափ լարված չեն աշխատել: Ձեր աշխատասեղանին փաստաթղթերի հսկայական կույտ թողեք: Դիտողի համար անցյալ տարվա թղթերը նույն տեսքն ունեն, ինչ ընթացիկ աշխատանքինը, կարեւորը միայն ծավալն է:
Կանոն 4. Ինքնապատասխանիչ
Երբեք մի պատասխանեք հեռախոսազանգերին, եթե ինքնապատասխանիչ ունեք: Մարդիկ ձեզ չեն զանգահարում՝ ոչնչի դիմաց ձեզ ինչ-որ բան տալու համար: Նրանք զանգահարում են, որովհետեւ ուզում են, որպեսզի ԴՈՒՔ անեք ԻՐԵՆՑ գործը: Այդպես չի կարելի ապրել: Բոլոր զանգերն ինքնապատասխանիչին թողեք: Եթե հաղորդագրությունը ձեզ համար է եւ այն աշխատանքով է սպառնում, զանգահարեք ընդմիջման ժամանակ, երբ ձեզ զանգահարողը տեղում չի լինի: Այդպիսով նաեւ ցույց կտաք, ու պատասխանատու եւ բարեխիղճ մարդ եք:
Կանոն 5. Մշտապես նյարդային եւ գրգռված տեսք ունենալ
Հարկավոր է ձգտել մշտապես նյարդային եւ գրգռված տեսք ունենալ, որպեսզի ղեկավարների մոտ տպավորություն ստեղծվի, որ անընդհատ զբաղված եք:
Աղբյուրը՝ Creu