Ամանորյա սվիտեր՝ 30000 դոլար արժողությամբ. Իսկ դուք կգնեի՞ք այն
14:48 15 դեկտեմբերի, 2016Ամանորյա նվերներ գնելու սեզոնը հայտարարված է բացված։ Սիրելի եւ մտերիմ մարդանց ժպիտ, երջանկություն պարգեւելու համար մեզնից շատերը գնում են ամանորյա տոնավաճառներ, խանութներ՝ հարմարավետ, գեղեցիկ եւ տոնական նվերներ գտնելու։
Հենց նրանց համար էլ «Tipsy Elves» առցանց կայքում հայտնվել է սվիտեր, որը աչքի է ընկնում ոչ թե իր ոճային, նորաձեւ, բրենդային եւ արդիական լինելու շնորհիվ, այլ գնի։ Սվիտերը վաճառվում է 30000 դոլար (շքեղ մեքենայի արժեք ունի)։
-Իսկ ինչո՞ւ այդքան թանկ,- կհարցնեք դուք։
Պարզվում է, որ սվիտերի վրա 24274 Սվարովսկի բյուրեղներ կան եւ հագուստը պատրաստելու համար պահանջվել է 52 ժամ։
Դե ինչ, եթե ձեզ դուր եկավ այս առաջարկը, շտապեք, քանզի այն եզակի է եւ դեռ չի վաճառվել։
Նշենք, որ կա նաեւ նույն սվիտերի ավելի էժան տարբերակը՝ 65-75 դոլար, բայց իհարկե, առանց թանկարժեք բյուրեղների։
Աղբյուրը՝ Daily Mail