Կարող է թվալ, որ ձվածեղը սովորական նախաճաշ է, բայց հենց դրանով ենք սկսում մեր օրը: Իսկ ձմռանը բոլորս վառ գույների կարիք ենք զգում, եւ լոլիկի մեջ ձվածեղը կարող է պայծառ երանգներով լցնել ձմեռային գորշ օրը:
Լոլիկի մեջ ձվածեղի համար մեզ անհրաժեշտ են.
2 խոշոր լոլիկ;
2 փոքր ձու;
30 գրամ պանիր;
2 փոքր կտոր կարագ;
1 թ/գ արեւածաղկի ձեթ;
Աղ եւ պղպեղ:
Կտրում ենք լոլիկի վերին հատվածը, դանակի եւ թեյի գդալի օգնությամբ դուրս բերում միջուկը:
Հարկավոր է զգուշորեն դա անել՝ լոլիկը չվնասելու համար, հակառակ դեպքում ստիպված կլինեք լոլիկն աղցանի համար օգտագործել, իսկ ձվածեղի համար այլ լոլիկ վերցնել:
Եթե, ամեն դեպքում, լոլիկը վնասել եք եւ չեք ուզում նորն օգտագործել, կարող եք այն փայլաթիթեղով փաթաթել եւ այդպես եփել:
Լոլիկների մեջ մեկական փոքր կտոր կարագ եւ կտրատված պանիր դրեք:
Մի քիչ պանիր թողեք՝ վերջում ավելացնելու համար: Լոլիկների մեջ մեկական ձու դրեք, ավելացրեք աղ, պղպեղ եւ դրեք ջեռոցը: Տարայի մեջ ես ավելացրեցի նաեւ լոլիկի միջուկը, մի քիչ պանիր եւ արեւածաղկի ձեթ: 15-20 րոպե եփեք 220-230 С ջերմաստիճանով:
Բարի ախորժակ...
Ձեր՝ Մաշա