Մոդել Ադրիանա Լիման Շերի հարցազրույցից հատված է հրապարակել
13:35 23 դեկտեմբերի, 2016Ադրիանա Լիման այն մոդելներից է, որը միշտ նորաձեւության աշխարհի ուշադրության կենտրոնում է: 35-ամյա մոդելը որոշել է գրգռել իր Instagram-ի շուրջ 10 մլն բաժանորդների երեւակայությունը: Մոդելը լողազգեստով լուսանկար է հրապարակել:
Բայց ավելի շատ բաժանորդների ուշադրությունը գրավել է Լիմայի վերջին հրապարակումը, որը Շերի հին հարցազրույցից մի հատված է հրապարակել: Դրանում երգչուհին հայտարարել է.
«Տղամարդիկ աղանդերի են նման: Ես սիրում եմ աղանդեր, սիրում եմ տղամարդկանց, բայց նրանք պարտադիր չեն կյանքում»:
Հայտնի չէ, թե ինչու է Ադրիանան հանկարծ հիշել այդ հարցազրույցի մասին եւ հենց այդ հատվածը հրապարակել, բայց բրազիլացի մոդելն այն այսպես է մակագրել.
«Միաեղջյուրը հաստատ սիրում է աղանդեր: Տղամարդի՛կ, ներողություն, որ հրապարակում եմ այս տեսանյութը, պետք է դա անեի այս հոլովակում առկա հումորի պատճառով»:
Նշենք, որ Victoria’s Secrets-ի հրեշտակն աշխարհի ամենահարուստ մոդելներից է՝ 75 մլն դոլարի ունեցվածքով։