Միջուկով մսային գնդիկները կուրախացնեն պանրի սիրահարներին, ինչպես նաեւ նրանց, ովքեր հոգնել են սովորական կոտլետից: Պանրով եւ կարտոֆիլով մսային գնդիկները պատրաստելու համար շատ ժամանակ չեք կորցնի:
Մեզ անհրաժեշտ են.
աղացած միս՝ 0.5 կգ;
ձու՝ 1 հատ;
սոխ՝ 1 հատ;
սխտոր՝ 2-3 պճեղ;
պանիր՝ 100 գրամ;
միջին չափի կարտոֆիլ՝ 5-6 հատ;
աղ եւ սեւ պղպեղ՝ ըստ ճաշակի;
բուսական յուղ՝ 2-3 ճ/գ:
Սոխը մանր կտրատում ենք, սխտորը ճզմում:
Աղացած մսին ավելացնում ենք սոխ, սխտոր, ձուն համեմում ենք աղով եւ պղպեղով:
Պանիրը կտրատում ենք խորանարդաձեւ:
Կարտոֆիլը մաքրում ենք, 2-3 մասի բաժանում, աղ եւ պղպեղ ավելացնում, նաեւ օրեգանո՝ ըստ ճաշակի: Ավելացնում ենք բուսական յուղն ու խառնում:
Աղացած մսին գնդիկների ձեւ ենք տալիս՝ մեջտեղում մեկ-երկու կտոր պանիր դնելով: Կարտիֆիլն ու գնդիկները դնում ենք ջեռոցի տարայի մեջ եւ 40-50 րոպե եփում 180 աստիճանով:
Երբ մսային գնդիկները կարմրեն, զգուշորեն շրջեք դրանք, որպեսզի հավասարաչափ եփվեն:
Բարի ախորժակ...
Ձեր՝ Մաշա