Ավարտվեց «Դեպի Եվրատեսիլ» նախագիծը եւ արդեն հայտնի է 2017-ի մայիսին Կիեւում կայանալիք «Եվրատեսիլ» երգի մրցույթի հայաստանյան պատվիրակի անունը: Երեկ երեկոյան կատարված՝ պրոֆեսիոնալ ժյուրիի եւ հեռուստադիտողների քվեարկությունների արդյունքում Արծվիկ-Մարտա զույգից հաղթող ճանաչվեց Արծվիկը, եւ հենց նա էլ կներկայացնի Հայաստանը «Եվրատեսիլ 2017»–ում:
Նախագծից հետո հենց բեմում հուզված Արծվիկն ու նրա երջանիկ մարզիչը՝ Եսայի Ալթունյանը, պատմել են իրենց զգացողությունների մասին՝ նշելով, որ շատ ուրախ են:
Դե իսկ տուն հասնելուն պես, Արծվիկը սոցցանցերում շնորհակալություն է հայտնել իր երկրպագուներին մեծ աջակցության համար:
«Շնորհակալ եմ բոլոր-բոլորին վստահության, իսկ Դեպի եվրատեսիլ նախագծին ինձ ընձեռած հնարավորության համար։ Դժվարանում եմ այս պահին նկարագրել այն ամբողջը, ինչ զգում եմ։ Սա մեծ ճանապարհի սկիզբն է միայն։ Հույս ունեմ այն կանցնենք միասին:
Мои хорошие, ну что все, я Едууууууу»,- հաղթանակից հետո գրել է Արծվիկը:
Կրկին շնորահավորում ենք Արծվիկին եւ ակնկալում փայլուն ելույթ ու հաղթանակ «Եվրատեսիլ 2017»–ում: