Միշոն կնոջ հետ՝ Սալվադոր Դալիի թանգարանում
15:35 30 դեկտեմբերի, 2016Հայտնի ռեփեր Միշոն նախատոնական օրերն անցկացնում է կնոջ՝ ամերիկահայ լրագրող եւ հաղորդավարուհի Սոնա Հովհաննիսյանի հետ։ Զույգը մեկնել է Իսպանիայի ամենահայտնի զբոսաշրջային կենտրոններից մեկը՝ Բարսելոն։ Ճիշտ է, ամուսիններն առաջին անգամ չեն Բարսելոնում, բայց նրանք դեռ ունեին մի կարեւոր ցանկություն՝ գնալ Սալվադոր Դալիի թանգարան։
Եվ ահա, Բարսելոնի փողոցներում եւ գրախանութներում պտտվելուց հետո, ամուսինները գնացել են Ֆիգերաս քաղաք՝ լինելու քաղաքի ամենահայտնի տեսարժան վայրերից մեկում՝ աշխարհահռչակ սյուրռեալիստ նկարչի թանգարանում։
Իհարկե, Սոնան չի մոռացել լուսանկարվելու մասին, իսկ այդ հարցում նրան օգնել է ամուսինը։