Ազդրին օձի դաջվածքով Քենդալ Ջեները՝ V Magazine-ի շապիկին
15:35 6 հունվարի, 2017Քիմ Քարդաշյան սոցցանցեր է վերադարձել, իսկ Քայլի Ջեները դարձել է Քարդաշյան-Ջեներ գերդաստանի երկրորդ ամենահարուստ ներկայացուցիչը՝ Forbes-ի վարկածով:
Քենդալ Ջեներն իր հերթին հայտնվել է V Magazine ամսագրի գարնանային համարի շապիկին:
21-ամյա մոդելին պատկերել են Vera Wang-ի 2017 թվականի գարուն-ամառ հավաքածուից անսամբլով:
Մոդելի ազդրին օձի դաջվածք է, որը դաջվածքի վարպետ Ջինայ Չինի ձեռքի գործն է: Վերջինը շուրջ մեկուկես ժամ է ծախսել՝ Քենդալի մարմնի վրա օձի ժամանակավոր դաջվածքը ստեղծելու համար:
Քենդալ Ջեներից բացի՝ ամսագրի շապիկներին կհայտնվեն նաեւ մոդելներ Լարա Սթոունն ու Ջոան Սմոլսը:
Քանի որ շապիկների թեման դաջվածքն է, Սթոունն ու Սմոլսը նույնպես ներկայացել են դաջվածքով: