Ռուսաստանում ամենահայտնի եւ ամենապահանջված հայ դիմահարդար Գոհար Ավետիսյանը այս օրերին ամուսնու՝ Վահիկ Մարտիրոսյանի հետ իր մեղրամիսն է վայելում Մալդիվներում։ Եվ մինչ 23-ամյա հայուհին շրջում է Մալդիվյան կղզիներում, ռոմանտիկ ընթրիքի գնում Վահիկի հետ, բրիտանական Daily Mail-ը հոդված է պատրաստել նրա ապշեցնող աշխատանքների մասին։
Արեւմտյան պարբերականի ուշադրությունը գրավել է Գոհարի կերպարանափոխություններից մեկը, թե ինչպես է դիմահարդարը ակնեով դեմքով հաճախորդին վերածում իսկական գեղեցկուհու։
Daily Mail-ում ներկայացվում է հոլովակը եւ թե ինչպես կարելի է ինքնուրույն ստանալ այս դիմահարդարումը։
«Պրոֆեսիոնալ դիմահարդարն ասում է, որ չնայած գիտի՝ շատերը քննարկելու են, թե ինչպես պետք է հաճախորդը բուժի մաշկը, ուրախ է, որ կարողացել է օգնել նրան՝ երջանիկ, գեղեցիկ եւ կանացի զգալ իրեն, թեկուզ ժամանակավոր»,- նշված է հոդվածում։
Ի դեպ, բացի այս կերպարանափոխությունից նյութի հեղինակը նաեւ ներկայացնում է Գոհարի այլ աշխատանքներ։