Սեւակ Խանաղյանը Երեւանում «պայթեցրեց» բեմը (ֆոտոռեպորտաժ)
10:03 14 հունվարի, 2017Երեկ երեւանյան ցուրտ եղանակն իր տաղանդով ջերմացրեց ուկրաինական X-Factor-ի հաղթող Սեւակ Խանաղյանը, որին մենք սատարում էինք ուկրաինական շոուի ընթացքում:
Երգիչը, ինչպես արդեն գրել ենք, Երեւան է ժամանել: «Հավանա» ժամանցի համալիրում Սեւակը նախ հանդես եկավ մամուլի ասուլիսով, իսկ երեկոյան արդեն ներկայացավ համերգով:
Սեւակ Խանաղյանը շքեղ ելույթ ունեցավ, պարզապես «պայթեցրեց» երեւանյան բեմը՝ կատարելով ինչպես սեփական ստեղծագործությունները, այնպես էլ հայտնի երգերի քավեր տարբերակներ:
Մեր ֆոտոռեպորտաժը լիարժեք փոխանցում է այն տրամադրությունը, որ Սեւակը երեկ նվիրեց հայ հանդիսատեսին՝ բոլորին եւ ամեն ինչին ստիպելով խորամուխ լինել իր կատարած երգերի գրեթե յուրաքանչյուր տողի մեջ:
Լուսանկարները՝ Արսեն Սարգսյանի