Փարիզի կողոպուտից հետո Քիմ Քարդաշյանն առաջին անգամ ներկայացել է հանրությանը, այն էլ՝ ԱՄԷ-ում:
Դուբայում 36-ամյա հայուհին ու նրա դիմահարդար, ոճաբան Մարիո Դեդիվանովիչը 5 ժամ տեւողությամբ դիմահարդարման վարպետության դաս են անցկացրել:
Սեմինարի տոմսերի արժեքը սկսվել է 500 դոլարից, իսկ VIP տեղերինը՝ 1600 դոլար: Տոմսերը վաճառվել են մեկ ժամվա ընթացքում:
Քիմի երկրպագուները սեմինարի մեկնարկից մի քանի ժամ առաջ հերթ են կանգնել:
Ռեալիթի շոուի աստղը, որն, ի դեպ, Դուբայ է եկել KUWK շոուի նկարահանող թիմի հետ, առաջիկա թողարկումների համար բազմաթիվ նկարահանումներ է կատարել:
Քիմը ներկայացել է նորաձեւ պատռված ջինսով եւ ամուսնու Yeezy շարքից կոշիկով:
Սեմինարից հետո հոգնած Քիմը չի հրաժարվել լուսանկարվել երկրպագուների, ինչպես նաեւ դիմահարդարման տեղի վարպետների հետ:
Աղբյուրը՝ Daily Mail
Լուսանկարները՝ AP-ի, Snapchat-ի, Instagram-ի