Մոդել Ադրիանա Լիման կարծում է, որ մաշկի խնդիրներն ամենից լավ կարող է հարթել թեյի ծառի յուղը, որն օրական երկու անգամ պետք է քսել վնասված հատվածներին։ Բրազիլուհին վստահեցնում է, որ արդյունքը երկար չի սպասեցնի։
Եթե ցանկանում եք, որ ձեր մաշկը փայլի եւ գեղեցիկ տեսք ունենա, Բրեդլի Կուպերի սիրեցյալ Իրինա Շեյքը խորհուրդ է տալիս ամեն օր մի կտոր սառույցով մաքրել դեմքը եւ վարունգից պատրաստված դիմակներ օգտագործել։ Բացի այդ՝ թանկարժեք միջոցների փոխարեն մոդելն օգտագործում է կոկոսի յուղ, որը թույլ է տալիս հարթ մաշկ ունենալ եւ պաշտպանում է ինֆեկցիաներից։
Իրինան գիտի նաեւ առողջ ու գեղեցիկ մազեր ունենալու գաղտնիքը։ Դրա համար ընդամենը պետք է մաքուր եւ կիսախոնավ մազերին քսել խոնավեցնող կոնդիցիոներ եւ գլուխը փայլաթիթեղով փաթաթել։ Դրանից հետո կարելի է առանց ամաչելու դուրս գալ «լույս աշխարհ»։
Արեւի ճառագայթներն «արծաթե գլխարկի» ներքո տաքացնում են մազերը, իսկ կոնդիցիոների ակտիվ բաղադրատարրերն ավելի խորն են ներթափանցում մազերի մեջ, ուստի դրա արդյունքն ավելի ակնհայտ է դառնում։
Վնասված մազերը վերականգնելու համար մեկ այլ դիմակի բաղադրատոմս է առաջարկում Ջոան Սմոլսը։ Դրա համար ընդամենը պետք է երկու ձվի դեղնուցը խառնել ավոկադոյի խյուսի եւ 1 ճաշի գդալ ձիթապտղի յուղի հետ։ Այնուհետեւ խառնուրդը պետք է քսել մազերին՝ դրանց ամբողջ երկարությամբ։ Արդյունք ստանալու համար այն պետք է օգտագործել շաբաթական առնվազն երկու անգամ։
46-ամյա մոդել Նաոմի Քեմբելը կարծում է, որ ցելյուլիտի դեմ ամենաարդյունավետ միջոցը սուրճի սքրաբն է։ Ըստ նրա՝ որքան հատիկներում շատ է կոֆեինը, այնքան էլաստիկ կդառնա մաշկը։
Ջիջի Հադիդը կարծում է, որ դեմքի բշտիկների դեմ ամենաարդյունավետ միջոցը սովորական ատամի մածուկն է։ 21-ամյա մոդելը գիշերն այն քսում է վնասված հատվածին եւ վստահեցնում, որ առավոտյան բշտիկն անհետանում է։
Ինչ վերաբերում է ճիշտ սնվելուն. Ջիջին կարծում է, որ շաբաթական գոնե մեկ անգամ պետք է cheat meal կազմակերպել եւ ուտել այն, ինչ ցանկանում ես։
Աղբյուրը՝ Elle.ru