Չիթմիլը ենթադրում է սննդակարգի մեկանգամյա խախտում. այսինքն՝ շաբաթական մեկ անգամ կարող եք ձեզ թույլ տալ ուտել այն ամենը, ինչ ուզում եք: Իհարկե՝ այս դեպքում նույնպես հարկավոր է որոշակի կանոնների հետեւել:
Մի խախտեք սովորական սննդակարգը
Եթե որոշել ենք ձեր օրինական չիթմիլը կազմակերպել չորեքշաբթի, դա չի նշանակում, որ օրվա ընթացքում միայն մեկ անգամ պետք է ուտեք: Բացի պատվիրված պիցցայից՝ մի հրաժարվեք սիրելի նախաճաշից կամ թեթեւ ընթրիքից: Շարունակեք հետեւել սովորական սննդակարգին: Այդպիսով ոչ միայն հաճույք կստանաք «արգելված ուտելիքից», այլեւ դրանից ավելի արագ կհագենաք:
Մի շեղվեք CHEAT MEAL-ի ժամանակ
Անկասկած, բարդ կլինի տիրապետել ինքդ քեզ «փորի համար տոն» կազմակերպելիս՝ ճիշտ միջավայր ստեղծելով եւ սիրված սերիալը դիտելով: Բայց մի մոռացեք. երբ ուտելիս մենք շեղվում ենք հեռուստացույցի կամ համակարգչի ուղղությամբ, երկու անգամ ավելի շատ ենք ուտում:
Ճիշտ ժամանակ ընտրեք
Ավելի լավ է չիթմիլի հնարավորությունից օգտվել օրվա առաջին կեսին, այդ ժամանակ ձեր օրգանիզմը կհասցնի մինչեւ քնելը մշակել ածխաջրերը: Բացի այդ՝ հենց այդ ժամանակ ենք մենք առավել ակտիվ լինում, էներգիա ծախսում եւ արագորեն այրում ճարպերը:
Մի չարաշահեք CHEAT MEAL-ը
Պետք չէ թուլանալ եւ շատ հեռանալ սննդակարգից: Շաբաթական մեկ օրը միանգամայն բավարար է՝ սիրելի տորթի համը հիշելու եւ նորից դիետային վերադառնալու համար: Բացի այդ, հարկ է հիշել, որ չիթմիլի ժամանակ պետք է հրաժարվել ալկոհոլից:
CHEAT MEAL կազմակերպեք մարզումից հետո
Սպորտով զբաղվելուց հետո ձեր նյութափոխանակությունն ավելի արագ է կատարվում, հետեւաբար՝ սնունդն ավելի արագ է մարսվում: Իհարկե, սա չի վերաբերում նրանց, ովքեր մարզվում են օրվա երկրորդ կեսին:
Աղբյուրը՝ Elle.ru