Երեկ գրել էինք, որ Լոնդոնում կայացել է ռուսաստանցի միլիարդատեր Վալերի Կոգանի թոռնուհու՝ Իրինայի հարսանիքը, որին մասնակցել է արեւմտյան եւ ռուսական շոու բիզնեսի բազմաթիվ աստղեր:
Իրենց շքեղ տոնի համար հարսն ու փեսան ռեստորան են ընտրել Լոնդոնի կենտրոնական թանկարժեք շրջաններից մեկում՝ Մերիլեբոնում: 19-ամյա Իրինայի ընտրյալը նրա հասակակից, հրեական ծագմամբ անգլիացի Դենիել Քենվեյն է: Երիտասարդները ծանոթացել են Լոնդոնում, որտեղ ապրում եւ սովորում է Իրինան:
Միջոցառման հյուրերի թվում են եղել Անտոնիո Բանդերասը, Էլթոն Ջոնը, Մըրայա Քերին, Ֆիլիպ Կիրկորովը, Իգոր Նիկոլաեւը, Աննա Նետրեբկոն, Ստաս Միխայլովը, Վլադիմիր Վինոկուրը եւ այլք: Երեկոն վարել են Յանա Չուրիկովան եւ Վալդիս Պելշը:
Life-ին միջոցառման մի շարք մանրամասներ են հայտնի դարձել:
Հարսնացուի համար ամենասպասվածը եղել է իր կուռքի՝ սըր Էլթոն Ջոնի մեկ ժամանոց համերգը: Ժամանակակից ամենաթանկարժեք արտիստը (Էլթոն Ջոնը մեկ միլիոն եվրոյից պակաս գումարով մասնավոր երեկույթներին ելույթ չի ունենում) կատարել է իր ստեղծագործությունները:
«Իրինա, շնորհակալությո՛ւն, որ ձեր կյանքի կարեւոր օրը հրավիրել եք ինձ: Մաղթում եմ, որպեսզի շատ երեխաներ ունենաք»,- աղջկան է դիմել Էլթոն Ջոնը:
Իրինան եւ Դենիելը խորհուրդներ եւ երջանիկ համատեղ կյանք անցկացնելու մաղթանք են ստացել նաեւ հայտնի դերասան Անտոնիո Բանդերասից:
Գավաթը ձեռքին բեմ բարձրանալով՝ հոլիվուդյան սեքս-խորհրդանիշը հարսին ու փեսային մաղթել է «միշտ ձեռք ձեռքի տված առաջ ընթանալ»: 9 ժամ տեւած տոնի եզրափակիչ ակորդն է դարձել Մըրայա Քերիի մեկ ժամանոց համերգը:
Հյուրերը հրճվանքով են դիմավորել աստղին: Մըրայան (ի դեպք՝ մասնավոր համերգների համար նա Էլթոն Ջոնից պակաս գումար չի պահանջում) նորապսակներին է նվիրել իր հիթերից We belong together երգը՝ Իրինային եւ Դենիելին ժառանգներ մաղթելով:
Լուսանկարները՝ Life-ի