Թագավորական ընդունելություն, գահաժառանգ արքայազնի հետ հանդիպում, ֆոտոսեսիա անապատում. Քիմ Քարդաշյանը «զվարճանում» է ԱՄԷ-ում

Քիմ Քարդաշյանն առաջին անգամ պաշտոնապես հանրությանն է ներկայացել Դուբայում, ուր ժամանել է՝ դիմահարդարման սեմինար անցկացնելու:

Հայուհու եւ նրա ոճաբան Մարիո Դեդիվանովիչի վարպետության դասընթացներն ավարտվել են, եւ հիմա Քիմը կարող է թուլանալ եւ նկարահանումներ կատարել KUWK ռեալիթի շոուի համար:

Հայուհին ընկերների հետ գնացել է անապատով զբոսանքի: Հատկանշական է, որ մարզահագուստի վրայից Քիմը սեւ վերարկու է հագել:

Հայուհին, ինչպես միշտ, ամուսնու Yeezy շարքի կոշիկով է եղել:

Քիմն ու նրա թիմը ֆոտոսեսիա են կազմակերպել մեքենաների ֆոնին:

Այնուհետեւ հատուկ Քիմի համար բազեների որս են կազմակերպել:

Ի դեպ՝ հայուհին Դուբայում թագավորական ընդունելության է արժանացել:

Հայտնի է, որ Քիմը հանդիպել է գահաժառանգ արքայազն Համդան իբն Մոհամմեդ Ալ Մաքթումի հետ, սակայն հանդիպման մանրամասները չեն հրապարակվել:

Աղբյուրը՝ Daily Mail

Լուսանկարները՝ Splash-ի