Ֆեմինիստներ vs ֆոտոշոփ. ներքնազգեստով կանայք ցուցադրում են իրենց մարմինները՝ կարծրատիպեր կոտրող հոլովակում
16:25 16 հունվարի, 2017Կանադայից լուսանկարչուհի Էմիլի Լաուրենը փորձում է կոտրել կնոջ կառուցվածքի վերաբերյալ կարծրատիպերը։ Նա լուսանկարել է տարբեր չափսերի 40 «իրական» կանանց, որոնք միայն ներքնազգեստով են եղել։
«Կանանց ուղղված՝ մարմնի կառուցվածքը փոխելու հորդորների փոխարեն՝ ես ցանկանում եմ ապացուցել, որ մենք գեղեցիկ ենք այնպես, ինչպես կանք»,- ասում է Էմիլին։
Լաուրենը լուսանկարները ներկայացնելու է գրքի տեսքով։ Գիրքն անվանել է «Սեփական մարմինը սիրելու ուղեցույց»։
«Այս գիրքն այն աղջիկների համար է, որոնք զգում են՝ իրենց մարմինը չի համապատասխանում հասարակության «չափանիշներին»»,-կարծում է լուսանկարչուհին։
Լուսանկարներից բացի, Էմիլիի հեղինակած գրքում տեղ են գտել նաեւ կանանց համար օգտակար տեղեկություններ եւ տարբեր հարցազրույցներ։
Աղբյուրը՝ Daily Mail