Ինչպես առավոտյան արագորեն արթնանալ
23:12 16 մարտի, 2017Գիշերը մի կեր
Խորհուրդ է տրվում ընթրել քնելուց 4 ժամ առաջ. դա ե՛ւ օգտակար է կազմվածքի համար, ե՛ւ կօգնի ավելի դյուրին արթնանալ առավոտյան: Երբ ստամոքսը գիշերը զբաղված չէ սնունդ մարսելով, ավելի լավ ես հանգստանում, իսկ առավոտյան թեթեւակի քաղցը կստիպի վեր կենալ անկողնուց:
Մի փակիր վարագույրը
Քնիր բաց վարագույրներով եւ դեմքով դեպի պատուհանը: Այդպիսով արեւի ճառագայթները քեզ կտեղեկացնեն արեւածագի մասին եւ կօգնեն արթնանալ:
Մի կում հեղուկ
Օրգանիզմն արթնացնելուն օգնում է առավոտյան ջուր խմելը: Այն ստամոքսին ստիպում է աշխատել, ակտիվանում են նաեւ նյութափոխանակության պրոցեսները: Կարելի է նաեւ կանաչ կամ խոտաբույսերից թեյ խմել, որը սուրճից ավելի օգտակար է եւ թարմացնում է ոչ պակաս արդյունավետ:
Կոնտրաստային ցնցուղ
Առավոտյան արթնանալու համար խորհուրդ ենք տալիս ցնցուղ ընդունելիս հերթագայել տաք եւ սառը ջուրը: Դա խթանում է արյան շրջանառությունը, ամրացնում անոթները, էներգիա հաղորդում:
Թարմ օդ
Առավոտյան բացիր պատուհանն ու օդափոխիր սենյակը: Թթվածնի պաշար հավաքելով՝ ուղեղն ավելի արագ է աշխատում: Եթե աշխատավայրից հեռու չես ապրում, ավելի լավ է աշխատանքի գնալ ոտքով: Այդ ընթացքում վերջնականապես կարթնանաս եւ ուրախ ու թարմ կլինես:
Աղբյուրը՝ Woman.ru