ԱՄՆ-ում հայտնի դիմահարդար Սոնա Գասպարյանը շարունակում է թրենդային դիմահարդարման սիրահարներին ներկայացնել ուսուցողական տեսանյութեր, մենք էլ դրանք, պարբերաբար, հանձնում ենք մեր ընթերցողների դատին:
Այս անգամ Սոնայի դիմահարդարման թեման ձմեռային «սպիտակ» դիմահարդարումն է: Դե, ասվածից պարզ է դառնում, որ հայուհին շպարվելիս օգտագործել է բաց եւ մեղմ երանգներ:
Այս դիմահարդարման շեշտը հիմնականում դրված է աչքերի վրա: Դրանք Սոնան շպարում է բաց երկնագույն երանգի փայլուն ստվերաներկով, ինչը ձյան փաթիլների տպավորություն է ստեղծում աչքերի վերին հատվածում: Իսկ սուրմայի եւ սեւաներկի առկայությունն էլ ավելի արտահայտիչ է դարձնում աչքերը:
Այտոսկրերն ու շուրթերը Սոնան ընդգծում է բաց վարդագույն երանգների օգնությամբ: Դիմահարդարման վերջում աղջիկը վերածվում է նուրբ ու գեղեցիկ ձյունանուշի:
Այս հետաքրքիր եւ հեքիաթային make up-ի տեսանյութը ներկայացնում ենք նաեւ ձեր ուշադրությանը: Ձմեռային թրենդների սիրահար մեր ընթերցողները կարող են փորձել կիրառել այն, իսկ հետո կիսվել ստացված արդյունքով:
Պատրաստեց Սյունե Առաքելյանը