Վախճանվել է Ջորջ Քլունիի զարմիկը՝ դերասան Միգել Ֆերերը
13:03 20 հունվարի, 201761 տարեկանում քաղցկեղի դեմ ապարդյուն պայքարից հետո կյանքից հեռացել է Ջորջ Քլունիի զարմիկը՝ դերասան Միգել Ֆերերը: Նա հայտնի էր «Թվին Փիքս», «Տաք գլուխներ 1», «Ռոբոկոպ» ֆիլմերում դերակատարմամբ:
Ըստ Daily Mail-ի՝ Ֆերերը մահացել է Լոս Անջելեսի իր տանը, ընտանիքի անդամներով եւ ընկերներով շրջապատված:
«Այսօր աշխարհը մեծ դերասանի կորցրեց: Միգելն այնպես էր անում, որ այս աշխարհն ավելի վառ եւ ուրախ լինի: Նրա կորուստը մեր ընտանիքում մթագնում է այս հիշարժան օրվա (ակնարկ Թրամփի երդմնակալությանը) հետ կապված մյուս բոլոր իրադարձությունները: Մենք սիրում ենք քեզ, Միգել, եւ միշտ սիրելու ենք»,- նշել է Ջորջ Քլունին:
Ի դեպ՝ հանդիսատեսը Դեւիդ Լինչի «Թվին Փիքս»-ի շարունակության մեջ Ֆերերին դեռ կարող է տեսնել դատաբժշկական փորձագետի դերում, որը մեծ էկրան է բարձրանալու այս տարվա մայիսի 21-ին: