Հմայիչ Մելանյա Թրամփը՝ Hervé Pierre-ից եզակի զգեստով եւ ամուսնու հետ պարը՝ Սինատրայի երգի ներքո. Թրամփի երդմնակալության մանրամասերը
11:01 21 հունվարի, 2017Դե ինչ, Ամերիկան արդեն 45-րդ նախագահն ունի, իսկ մենք հետեւենք նախագահի երդմնակալության արարողության մանրամասներին:
Դոնալդ Թրամփի երդմնակալությունը կազմված է եղել մի քանի մասից՝ երդման արարողությունից եւ դրան հետեւած պարահանդեսներից:
Երդման արարողությունից անմիջապես հետո առաջին պարահանդեսին Դոնալդ Թրամփը կնոջ՝ Մելանյայի հետ առաջին պարի համար ընտրել է Ֆրենկ Սինատրայի My Way երգը:
Ամուսինների համար երգել է Էրին Բոեմը:
Արարողությանը ելույթ են ունեցել Sam and Dave խմբից Սեմ Մուրը, The Rockettes պարային խումբը, Piano Guys գործիքային խումբը, որը հայտնի է նրանով, որ հայտնի հիթեր է կատարում՝ օգտագործելով դասական գործիքներ:
Գոսպել Թրեւիս Գրինից
Piano Guys
Երդմնակալության արարողության մասին առանց այն էլ կտեղեկանաք լրատվամիջոցների քաղաքական լրահոսից, իսկ մենք ուշադրություն դարձնենք ամենագեղեցիկ պարահանդեսի՝ Վաշինգթոնի Ազգային թանգարանում ԱՄՆ Զինված ուժերի համար կազմակերպված պարահանդեսին:
Ինչպես Դոնալդ Թրամփն է ասել՝ «Հիմա ժամանցն է սկսվում», եւ այն իսկապես սկսվել է:
Մելանյա Թրամփը պարահանդեսին ներկայացել է Hervé Pierre-ից շքեղ եւ եզակի զգեստով:
Նախագահն ու առաջին տիկինը պարել են «I will always love you» երգի ներքո:
Carolina Herrera-ից զգեստով Իվանկա Թրամփը՝ ամուսնու հետ
Ի դեպ՝ մեկ նրբություն. արեւմտյան լրատվամիջոցները երդմնակալության արարողության ժամանակ ուշադրություն են դարձրել Մելանյայի կերպարին, որին առաջին տիկինը ներկայացել է բաց երկնագույն հագուստով՝ նման 1961 թվականին Ջոն Քենեդիի երդմնակալության օրը Քենեդիի կնոջ՝ Ժակլինի կերպարին:
ԱՄՆ 45-րդ նախագահի կինը Ralph Lauren-ից զգեստ եւ նույն գույնի վերնազգեստ է հագել:
Բացի այդ՝ Մելանիայի կերպարը շատ է հիշեցնում «Խաղաքարտե տնակից» Ռոբին Ռայթի ոճը...
Աղբյուրը՝ Daily Mail
Լուսանկարները՝ AP-ի, Reuters, Getty