Եվ այսպես՝ մենք պատմեցինք ԱՄՆ 45-րդ նախագահ Դոնալդ Թրամփի երդմնակալության, ինչպես նաեւ պարահանդեսին նախագահի եւ առաջին տիկնոջ առաջին պարի մասին, որին Մելանյան ներկայացել է Hervé Pierre-ից բացառիկ զգեստով:
Բայց ավելի վաղ Վաշինգթոնում կայացել է Սպիտակ տան բանալիների հանձնման արարողությունը. ԱՄՆ-ի արդեն նախկին նախագահ Բարաք Օբաման կնոջ՝ Միշելի հետ դիմավորել են Դոնալդ եւ Մելանյա Թրամփերին, շրջել տանը, ինչպես նաեւ նոր բնակիչներին ծանոթացրել անձնակազմի հետ:
Հատկանշական է, որ Մելանյան որպես նվեր Միշելին Tiffany & Co. հայտնի ապրանքանիշից տուփ է փոխանցել:
Արտասահմանյան լրատվամիջոցները մի քանի ժամ է՝ գուշակում են, թե ինչ կարող է լինել այդ տուփում:
Բրիտանական The Guardian-ը Մելանյայից նվերների սեփական տարբերակն է ներկայացրել:
Անգլերեն U տառի տեսքով կախազարդ. 3 հազար դոլար
Հնարավոր է՝ բանալիների համար կախազարդը Վաշինգտոնում Օբամայի նոր տան համար է. ի դեպ՝ այն գտնվում է նույն շրջանում, որտեղ բնակվում է Թրամփի դուստրը՝ Իվանկան:
Բանջարեղենի համար գդալ. 350 դոլար
Այն Օբամայի ընտանիքին երջանիկ կդարձնի:
Օդանավ-խնայատուփ. 2.500 դոլար
Օբամայի ընտանիքին թույլ կտա սեփական օդանավի համար դրամ տնտեսել:
Հինգերորդ պողոտայի լոգոյով բաժակ. 25 դոլար
Որպեսզի Օբաման հասկանա, թե որտեղ է հիմա գտնվում Սպիտակ տունը:
2.800 դոլար արժողությամբ ժամացույց:
Tiffany-ից խաղաքարտեր. 35 դոլար
Սեւ-սպիտակ խաղաքարտեր Օբամայի համար, որը, ինչպես ինքն է խոստովանել, լավ պոկեր է խաղում:
Արքայախնձորի տեսքով ափսե. 350 դոլար
Արքայախնձորն ակնարկ է Օբամայի քենիական արմատների մասին, Քենիայի արտահանման հիմնական մթերքն արքայախնձորն է: