Հղի Հռիփսիմե Ելինյանի ծննդյան երեկոն եւ յուրօրինակ տորթը

11:35   21 հունվարի, 2017

Հունվարի 19-ին ճանաչված երգչուհի Հռիփսիմե Ելինյանը նշել է ծննդյան 33-ամյակը։ Հռիփսիմեն օրվա ընթացքում լսել է բազմաթիվ շնորհավորական խոսքեր ու մաղթանքներ, սակայն ամենակարեւորը ամուսնու՝ սիրված դերասան, շոումեն Գրիգոր Դանիելյանի շնորհավորանքն էր սոցցանցերում, որտեղ Գրիգորը հրապարակել է կնոջ լուսանկարը եւ գրել.

«Մարդ, ում համար գժվել եմ, գժվում եմ ու շարունակելու եմ գժվել։ Իմ կյանքին գույն տվող իմ սիրտ, իմ թթվածին, իմ ամեն ինչ, շնորհակալ եմ Աստծուն, որ Քեզ ունեմ։ Ուզում եմ, որ միշտ ժպտաս, լինես առողջ ու իմ կողքին։ Շնորհավոր ծնունդդ իմ ՍԵՐ»։

Իսկ ինչպե՞ս է Հռիփսիմեն նշել հոբելյանը։

Երգչուհին որոշել է 33-ամյակը տոնել ամուսնու, մտերիմների եւ ընկերուհիների հետ երեւանյան ակումբներից մեկում։

Երեկոն օրվա հերոսուհուց բացի զարդարել է նաեւ տոնական տորթը, որը հղի կնոջ պատկերով էր։ Ինչու հղի կնոջ, որովհետեւ Հռիփսիմեն շուտով լույս աշխարհ կբերի երկրորդ երեխային։

Բնականաբար կանայք չեն մոռացել լուսանկարվել հոբելյարի հետ եւ մի քանի կադրեր հրապարակել սոցցանցերում։



© NEWS.am STYLE