Քանյե Ուեսթն աշխատում է իր նոր ալբոմի ուղղությամբ: Այս մասին գրում է E! News-ը:
Ներքին աղբյուրների հաղորդմամբ՝ 39-ամյա ռեփերը շատ լավ է զգում իրեն եւ նոր ալբոմի համար երգեր է գրում: Արտիստը նաեւ սկսել է իր Yeezy ապրանքանիշի համար նոր հավաքածու մշակել:
«Քանյե Ուեսթն անակնկալներ է պատրաստում։ Նա մի քանի ծրագիր ունի, որոնց մասին առայժմ չի խոսում: Քանյեն մտադիր է համերգային գործունեությունը սկսել գարնանն ու ավարտել աշնան սկզբին: Ինչ վերաբերում է նորաձեւությանը. հիմա նա տարբեր դիզայներների հետ միանգամից մի քանի ծրագիր է պատրաստում:
Բայց Քանյեն չի մոռանում, որ իր համար ամենակարեւորը կինն ու երեխաներն են»,- նշել է Քարդաշյան-Ուեսթ ընտանիքին մոտ կանգնած աղբյուրը: