Եթե դուք սմբուկ սիրում եք, բայց չեք ուզում ձմռանը դրա վրա շատ գումար ծախսել,ապա չորացրած սմբուկով այս բաղադրատոմսը ձեզ դուր կգա:
Աղցանի համար պետք է
100 գ չորացրած սմբուկ
1 հատ սոխ
1 պճեղ սխտոր
2-3 ճ. գդալ թթվասեր
Խմելի-սունելի, սեւ աղացած պղպեղ եւ աղ՝ ըստ ճաշակի
Չոր սմբուկի վրա եռացրած ջուր ենք լցնում եւ թողնում ենք 10-15 ր, այս գործընթացը պետք է կրկնել այնքան ժամանակ, մինչեւ ջուրը բաց գույնի դառնա: Մանր կտրատած սոխը տապակում ենք բուսական յուղով, հետո ավելացնում սխտոր:
Վրան լցնում ենք սմբուկը, խառնում, շոգեխաշում թույլ կրակի վրա:
Հետո ավելացնում ենք համեմունքները, կանաչին եւ թթվասերը, արագ խառնում, թողնում ենք մի քանի րոպե էլ շոգեխաշվի, մինչեւ թթվասերը դառնա դեղին:
Բարի ախորժակ: