Երգչուհի Պելագեան մայր է դարձել
10:28 23 հունվարի, 2017Երգչուհի Պելագեան եւ հոկեիստ Իվան Տելեգինը երեխա են ունեցել: 30-ամյա երգչուհին դուստր է լույս աշխարհ բերել, որին Տաիսիա են կոչել: Այս մասին գրում է Spletnik-ը:
Երջանիկ հոր խոսքով, որն էլ երկրպագուներին հայտնել է ուրախ լուրը, նորաթուխ մայրիկն ու փոքրիկը շատ լավ են զգում իրենց:
Հիշեցնենք, որ հայտնի երգչուհի, ռուսական «Голос» շոուի ժյուրիի անդամ Պելագեան անցյալ տարվա հունիսին ամուսնացել է հոկեիստ Իվան Տելեգինի հետ: Քանի որ երգչուհու անձնական կյանքը «Խիստ գաղտնի» թղթապանակում է, հարսանիքի մասին մամուլն իմացել է մեկ շաբաթ անց: Ասում են՝ երգչուհու հղիության պատճառով հարսանիքը կազմակերպել են արագ եւ համեստ:
Ամուսնանալուց հետո Պելագեան անհետացավ լրագրողների եւ երկրպագուների տեսադաշտից: Հենց այդ ժամանակ էլ տեղեկություն հայտնվեց, որ Պելագեան հղի է եւ թաքնվում է հետաքրքրասեր աչքերից:
Եվ ահա կես տարի անց համացանցում հարսին ու փեսային պատկերող լուսանկար է հայտնվել: Պելագեան մարմինը գրկող զգեստով է, իսկ հարսնացուի նուրբ կերպարը լրացնում է երկար քողը:
Հատկանշական է, որ գաղտնի սիրահարների հարսանիքից առաջին պաշտոնական լուսանկարը համացանցում հրապարակել է նրա մտերիմներից ինչ-որ մեկը: Համբուրվող նորապսակների լուսանկարը տեղադրել են Պելագեայի ֆան-էջում: