Մոսկովյան թատրոնում հայկական մշակույթի երեկո կանցկացվի
15:18 22 մարտի, 2013Մոսկովյան «Պյոտր Ֆոմենկոյի արվեստանոց» թատրոնում հայկական մշակույթի երեկո կանցկացվի:
РИА Новости-ի փոխանցմամբ, երեկոյի ընթացքում հնարավոր կլինի ծանոթանալ նկարիչ Ավետիս Խաչատրյանի ստեղծագործություններին եւ ունկնդրել հայկական երաժշտություն՝ Գեւորգ Դաբաղյանի ղեկավարությամբ գործող համույթի համերգին:
Թատրոնի տնօրեն Անդրեյ Վորոբյովը խոստովանել է. «Մի քանի տարի առաջ Ռուսական մշակույթի օրերի շրջանակում շրջագայում էինք Երեւանում: Այդ երկրի հետ առաջին ծանոթությունը մեր վրա շատ ուժեղ եւ վառ տպավորություն թողեց: Մենք ծանոթացանք եւ սիրեցինք Հայաստանի մշակույթն եւ ավանդույթները, ընկերացանք բազմաթիվ արվեստագետների հետ: Այդ ժամանակ էլ առաջին անգամ հանդիպեցինք երիտասարդ տաղանդավոր նկարիչ Խաչատրյանին, ով միայն առաջին քայլերն էր անում եւ երազում էր անհատական ցուցահանդեսի մասին»: Վորոբյովը նաեւ հույս է հայտնել, որ այդ երեկոն թատրոնի պատմության մեջ վերջինը չի լինի: