Ինչպես մի քանի րոպեում ազատվել խոհանոցում տարածված ձկան հոտից

Նրանք, ովքեր պարբերաբար ձուկ են պատրաստում տանը, հաստատ գիտեն խոհանոցում տարածվող հոտի մասին։ Ձկան սիրահարներին առաջարկում ենք ընթերցել այս հոդվածը եւ իմանալ մի քանի խորամանկ հնարք՝ ոմանց համար այդ տհաճ հոտից ազատվելու համար։

1.Առաջինը ինչ կարող եք անել ձուկը կաթի մեջ դնելն է։ Որքան էլ զարմանալի է հնչում, մասնագետները պնդում են՝ ձուկը կաթի մեջ ընկղմելուց հետո հոտն անմիջապես անհետանում է։

2. Մեկ բաժակ քացախ դրեք ջեռոցի կողքին եւ մի քանի ժամ անց հոտը անհետացած կլինի։

3. Եթե հոտը ձկան տարայից է գալիս, ուրեմն կարելի է կիրառել հետեւյալ հնարքը։ Կիսեք երկու կարտոֆիլ, աղ լցրեք ամեն մասի վրա եւ մի քանի ժամ թողեք տարայի մեջ։

4. Խոհանոցում տարածված տհաճ հոտից ազատվելու համար կարելի է անուշաբույր թեյ կամ  սուրճ պատրաստել, հաց կամ տորթ թխել։ Կարելի է նաեւ կիտրոնը կիսել եւ 10 րոպե եփել եռացրած ջրի մեջ։

5. Իսկ եթե ձուկը տաքացրել եք միկրոալիքային վառարանի մեջ, ուրեմն կարելի է օճառաջրի մեջ ընկղմված թաց սրբիչ դնել վառարանի մեջ, մի քանի րոպե միացնել այն եւ սպասել, որ հոտն անհետանա։

Աղբյուրը՝ Daily Mail