Հայկական շոու բիզնեսի ամբողջ աստղաբույլը՝ Սիրուշոյի 30-ամյակի խնջույքին (նոր լուսանկարներ)
11:20 30 հունվարի, 2017Սիրված եւ տաղանդավոր երգչուհի Սիրուշոն 2017-ը սկսել է ուրախ խնջույքներով։ Այս տարի հունվարի 7-ին Սիրուշոն նշում էր ծննդյան 30-ամյակը։ Այդ օրը երիտասարդ արտիստը բազմաթիվ շնորհավորանքներ, նվերներ ու անակնկալներ ստանալուց բացի, գնացել էր Ծաղկաձոր՝ ընտանիքի անդամների հետ օրը տոն դարձնելու։
Ծննդյան տարեդարձից քսան օր անց երգչուհին՝ այս անգամ արդեն Երեւանում մեծ երեկույթ էր կազմակերպել՝ հրավիրելով իր բոլոր ընկեր-ընկերուհիներին։ Սիրուշոյի 30-ամյա հոբելյանին ներկա են եղել Անդրեն, Ավետ Բարսեղյանը՝ կնոջ հետ, Նազենի Հովհաննիսյանը, Հայկոն՝ Անահիտ Սիմոնյանի հետ, Սոֆի Մխեյանը, Արման Հովհաննիսյանը, Քրիստինե Պեպելյանը, Հրաչ Քեշիշյանը, Ալլա Լեւոնյանը, Զարուհի Բաբայանը, Տիգրան Պետրոսյանը, Արեւիկ Ուդումյանը, Լանա Խաչատրյանը, ինչպես նաեւ հունահռոմեական ոճի ըմբշամարտիկ, աշխարհի չեմպիոն (2014) Արսեն Ջուլֆալակյանը, որը երգչուհու համակուրսեցին է եղել։
Երեկույթին Սիրուշոն ներկայացել է կարմիր, մինչեւ հատակը ձգվող զգեստով։
Ավետ Բարսեղյանի նվերը՝ «Պռեգոմեշ» երգի խոսքերի բնօրինակ տարբերակը
Սիրուշոյի եւ նրա ֆան էջերից մեկում հայտնված լուսանկարներից կարելի է ենթադրել, որ թե հյուրերը, թե հոբելյարը հիանալի ժամանակ են անցկացրել եւ դեռ երկար կհիշեն այս երեկոն.
«Շնորհակալ եմ իմ ընկերներին այս խենթ երեկույթի համար։ Ամեն ինչ ավելի լավ է, եթե շրջապատված ես լավ մարդկանցով։ Օրհնված եմ։ Շնորհակալություն»,- խնջույքից հետո գրել է Սիրուշոն։