Ավստրալիայից 24-ամյա Թալիթա Ռոջերսը 11 ամիս առաջ կշռում էր 130կգ։ Դեռեւս մանկուց Թալիթան պայքարել է բորբոքված աղիքի համախտանիշի դեմ եւ 12 տարեկանից մտածել ավելորդ քաշի խնդրից ազատվելու մասին։
Բայց ամեն ինչ փոխվեց, երբ ամիսներ առաջ 24-ամյա աղջիկը որոշեց ճանապարհորդության մեկնել Եվրոպա եւ չկարողացավ տեղավորվել օդանավի նստատեղին։
«Ես մտածեցի՝ ոչ մեկը այսպիսի կյանք չի ցանկանում։ Սա հենց այն պահն էր, որ ես վճռական որոշում կայացրի»,- պատմել է Թալիթան։
Այս «միջադեպից» հետո աղջիկը սկսում է լրջորեն հետեւել իրեն։ Փոխում է սննդակարգը՝ բացառելով վերամշակված եւ պահածոյացված սնունդը, շաքարն ու գլյուտենը. վերջին երկուսն ըստ Թալիթայի՝ «իր հիմնական խնդիրների պատճառն էին»։
Բայց բացի դիետայից աղջիկը նաեւ սկսել է ակտիվորեն մարզվել՝ սկզբնական շրջանում առավոտյան քայլք եւ լող.
«Առաջին 30 կգ-ը նիհարեցի քայլելով եւ լողալով։ Դրանից հետո ես հրաժարվեցի ծխելուց եւ ծխախոտին հատկացվող գումարը նախատեսեցի մարզասրահ հաճախելուն»։
Արդյունքում աղջիկը նիհարել է 65կգ, ինչը լիովին փոխել է նրա կյանքը։
Սակայն այժմ Ռոջերսը մտածում է ոչ միայն իր, այլեւ ավելորդ քաշի խնդիր ունեցող այլ կանանց մասին։ Նա իր անձնական մարզիչի հետ Facebook-յան էջ է բացել ու իր լուսանկարներով ու հոլովակներով մոտիվացնում մյուսներին։
Աղբյուրը՝ Daily Mail