Արամեի, կնոջ եւ Սիլվա Հակոբյանի լուսանկարները Համբուրգից
13:20 3 փետրվարի, 2017Ճանաչված արտիստներ Արամեն եւ Սիլվա Հակոբյանը փետրվարի 2-ից մեկնել են եվրոպական շրջագայությունների։ Մինչեւ փետրվարի 19-ը երիտասարդ արտիստները կլինեն Գերմանիայում, Բելգիայում, Իսպանիայում, Հոլանդիայում եւ Ֆրանսիայում։
Արամեին եւ Սիլվային է միացել նաեւ սիրված երգչի կինը՝ Աննա Թովմասյանը։ Արամեն եւ Աննան իրենց Instagram-ում նոր լուսանկարներ են հրապարակել հյուրախաղերի առաջին կանգառից՝ Գերմանիայից, որտեղ փետրվարի 3-ին կկայանա շրջագայության առաջին համերգը։ Սակայն մինչ այդ, Արամեն, Աննան եւ Սիլվան զբոսնել են Համբուրգում՝ վայելելով քաղաքի օդն ու տեսարժան վայրերը։
«Մենք տեղում ենք։ Համբուրգը մեզ դիմավորեց։ Վաղն առաջին համերգն է լինելու։ Անհամբեր սպասում ենք»,-թխվածքաբլիթներով ծիծաղաշարժ լուսանկարը մեկնաբանել է երգիչը։
Հիշեցնենք, որ Արամեն եւ Աննա վերջերս ներկայացրել էին իրենց նոր՝ «Իմն ես» զուգերգի տեսահոլովակը։ Երգի հեղինակը Վահրամ Պետրոսյանն է։ Դիլիջանում նկարահանված հոլովակի ռեժիսորն է Արամեի մտերիմ ընկերը՝ Սյոմա Կոդաբաշյանը։