Չինաստանում կայացել է Harbin Fashion Week 2017-ը, որին մասնակցել են աշխարհի տարբեր ծայրերից հայտնի դիզայներներ եւ նորաձեւության տներ։ Հայաստանից հրավիրված է եղել սիրիահայ դիզայներ Գեւորգ Շադոյանը, որը ներկայացրել է երեկոյան զգեստների իր նոր հավաքածուն։
Չինուհի մոդելները պոդիումի վրա ներկայացրել են Շադոյանի գարուն-ամառ 2017 ձեռագործ հագուստները, որոնք ընդգծում են իրենց տիրուհիների անհատականությունը։ Իսկ ժանյակազարդ զգեստները կանացիությունն ու ներդաշնակություն են փոխանցում մոդելներին։
Հատկանշական է, որ Շադոյանի աշխատանքները ցուցադրվել են առանց աքսեսուարների՝ ընդգծելով զգեստների գեղեցկությունն ու դիզայների վարպետությունը։
Իհարկե, ցուցադրության վերջում պոդիում է բարձրացել նաեւ ինքը՝ Գեւորգ Շադոյանը։