Քիմ Քարդաշյանն ու Քայլի Ջեները՝ Քանյե Ուեսթի եւ Tyga-ի համատեղ տեսահոլովակի հերոսուհիներ
11:11 5 փետրվարի, 2017Քանյե Ուեսթի հաջորդ տեսահոլովակը ընտանեկան եւ իսկական հիթ է լինելու: USWeekly-ի փոխանցմամբ՝ 39-ամյա կատարողն իր նոր «Feel Me» ստեղծագործությունը ձայնագրել է ընտանիքի անդամներից Քայլի Ջեների բեյֆրենդ Tyga-ի հետ, իսկ տեսահոլովակում հայտնվելու են ռեփերների գեղեցկուհի ընտրյալները՝ Քիմ Քարդաշյանն ու Քայլին:
Աղբյուրը հաղորդում է, որ տեսահոլովակի իր հատվածը Քիմն արդեն նկարահանել է Նյու Յորքում, ուր աշխարհահռչակ հեռուստաաստղը երեխաների հետ եկել էր Կոստա Ռիկայում հանգստից հետո:
Տեսահոլովակի նկարահանումները դեռ շարունակվում են:
Դե ինչ, մինչ հնարավորություն կունենանք գնահատել ընտանիքի նոր, համատեղ աշխատանքը, հիշեցնենք, որ Քիմն ու Քայլին առաջին անգամ չեն նկարահանվում իրենց սիրեցյալների երաժշտական հոլովակներում:
Դեռեւս 2013-ին 36-ամյա հայուհին կիսամերկ հայտնվել էր Քանյեի «Bound 2» տեսահոլովակում, իսկ 19-ամյա Քայլին 2015-ին զարդարել էր Tyga-ի «Stimulated» հոլովակը: