Ովքե՞ր հաղթահարեցին հայկական X Factor-ի հերթական փուլն ու ովքե՞ր լքեցին նախագիծն այս շաբաթ
12:25 13 փետրվարի, 2017Հայկական X Factor նախագծի կիրակնօրյա եթերի ժամանակ պարզ դարձավ, թե որ մասնակիցներն են շարունակելու պայքարը ժյուրիի անդամների եռյակներում:
Ինչպես հայտնի է՝ այս եթերաշրջանում Անդրեն կրկին աշխատելու է տղաների խմբի հետ: Անդրեի եռյակում հայտնվեցին Աբրահամ Խուբլարյանը, Յուրա Ադամյանը եւ Էդգար Ղանդիլյանը:
Աղջիկների խումբը ղեկավարում է Էրիկը, որը գալա համերգների փուլում կաշխատի Հասմիկ Կարապետյանի, Դիանա Հարությունյանի եւ Իննա Սայադյանի հետ:
Շուշանիկ Արեւշատյանի՝ 22-ից բարձր մասնակիցների եռյակում պայքարը կշարունակեն Դավիթ Չախալյանը, Հարություն Հակոբյանը եւ Տյոմը:
Այս եթերաշրջանում Գարիկ Պապոյանը աշխատելու է Մարիամ եւ Էմանուել, The Steps Band եւ Թամարա եւ Alternative խմբերի հետ: Ի տարբերություն ժյուրիի մյուս անդամների՝ իր եռյակը Գարիկը ձեւավորել էր նախորդ շաբաթ:
Նախագծից այս շաբաթ դուրս մնացին Մանե Բաղդասարյանը, Վալերիա Բալտաեւան եւ Քերոբ Հովելյանը:
Հաջորդ կիրակի X Factor-ում մեկնարկելու է գալա համերգների փուլը: Այս փուլից սկսած մասնակիցների ճակատագրերը որոշելու են հեռուստադիտողները: