La La Land-ը BAFTA-2017-ում 5 արձանիկ է ստացել. բրիտանական հեղինակավոր մրցանակաբաշխության հաղթողների ցանկը
10:05 13 փետրվարի, 2017Այսօր մենք խոսելու ենք երկու գերիրադարձությունների՝ BAFTA եւ «Գրեմմի» մրցանակաբաշխությունների մասին։
Եվ այսպես՝ երեկ երեկոյան Լոնդոնում Կինոյի եւ հեռուստատեսային արվեստի բրիտանական ակադեմիան իր մրցանակներն է շնորհել:
Մինչ անցնենք մեր սիրած գործին՝ կարմիր գորգի կերպարները ներկայացնելուն, նախ տեսնենք, թե ովքեր են հեղինակավոր այս մրցանակաբաշխության հաղթողները:
Մրցանակաբաշխության 70-րդ արարողության ֆավորիտը ռեժիսոր Դեմիեն Շազելն է եղել՝ La La Land ֆիլմով, որը 5 արձանիկ է ստացել, իսկ դա «Օսկար»-ի լուրջ հայտ է:
La La Land-ը ճանաչվել է «Լավագույն ֆիլմ», Շազելը մրցանակ է ստացել որպես «Լավագույն ռեժիսոր», իսկ կանացի գլխավոր դերի համար մրցանակի է արժանացել Էմմա Սթոունը:
Քեյսի Աֆլեք
Ռայան Գոսլինգը «Լավագույն տղամարդու դերակատարում» անվանակարգում պարտվել է Քեյսի Աֆլեքին, որը, NEWS.am STYLE-ի կարծիքով, պարզապես հրաշալի է խաղում Manchester by the Sea ֆիլմում:
Royal Albert Hall ժամանած արքայազն Ուիլյամն ու Քեյթ Միդլթոնը (Alexander McQueen-ից զգեստով) կինոարվեստի զարգացման գործում ներդրման համար հատուկ մրցանակ են շնորհել ամերիկացի երգիծական դերասան եւ ռեժիսոր Մել Բրուքսին:
BAFTA-2017 մրցանակաբաշխության հաղթողների հիմնական ցանկը.
«Լավագույն ֆիլմ» - La La Land
«Լավագույն բրիտանական ֆիլմ» - I, Daniel Blake
«Օտարալեզու լավագույն ֆիլմ» - «Սոուլի որդին» (Saul fia)
«Լավագույն դերասան» - Քեյսի Աֆլեք, Manchester by the Sea
«Լավագույն դերասանուհի» - էմմա Սթոուն, La La Land
«Երկրորդ պլանի լավագույն դերասան» - Դեւ Պատել, Lion
«Երկրորդ պլանի լավագույն դերասանուհի» - Վիոլա Դեւիս, Fences
«Լավագույն անիմացիոն ֆիլմ - Kubo and the Two Strings
Աղբյուրը՝ Daily Mail
Լուսանկարները՝ REX-ի, Shutterstock-ի, SWNS-ի, Getty-ի