Բոլորիս սիրելի Ռիհանան Հարվարդի համալսարանի կողմից «Տարվա մարդասեր» է ճանաչվել: 29-ամյա երգչուհին նման կոչման արժանացել է բարեգործական ոլորտում աշխատանքի շնորհիվ:
Նա, մասնավորապես, հայրենի Բարբադոսում գերժամանակակից ուռուցքաբանական կենտրոն է կառուցել, որտեղ, հիվանդներին բուժելուց բացի, բժիշկներն ու գիտնականները քաղցկեղի բուժման ուղղությամբ հետազոտություններ են անցկացնում:
Արտիստուհին Peter J. Gomes Humanitarian Award հատուկ մրցանակը կստանա հաջորդ երեքշաբթի կայանալիք հատուկ արարողության ժամանակ:
«Ռիհանան Բրիջթաունում կրծքի քաղցկեղի ախտորոշման ժամանակակից ուռուցքաբանական կենտրոն է կառուցել: Մենք նշում ենք բժշկության ոլորտում նորագույն տեխնոլոգիաների զարգացման գործում նրա ներդրումը»,- ասված է համալսարանի պաշտոնական հայտարարությունում:
Աղբյուրը՝ Daily Mail