Քիմ Քարդաշյանն ազդարարել է Լոս Անջելեսի Մանկական հիվանդանոցին օգնելու համար դրամահավաքի մեկնարկը

Քիմ Քարդաշյանն ազդարարել է Լոս Անջելեսի Մանկական հիվանդանոցին օգնելու համար դրամահավաքի մեկնարկը: The Keeping Up With the Kardashians ռեալիթի շոուի աստղին ուղեկցել են հիվանդանոցի նախկին հիվանդներ 14-ամյա Գրեյս Ռոուզն ու 6-ամյա Սեյլոր Փիերսոնը:

36-ամյա հայուհին մեկնարկը տվել է՝ լուսանկարչական խցիկեների առջեւ հնչեցնելով փոքրիկ զանգը:

Ի դեպ՝ Քիմը հիվանդանոցի հիմնական դոնորներից է: Հաստատությունը չի կարող գործել առանց հայուհու ընտանիքի մշտական աջակցության:

Ինքը՝ Քիմը նշել է, որ իր ընկերների շարքում կան այնպիսիք, որոնց երեխաները որոշ ժամանակաանցկացրել են հիվանդանոցում, այդ իսկ պատճառով հաստատությունը թանկ է իր համար եւ գտնվում է իր մշտական ուշադրության ներքո:

«Մեր ընտանիքը հարգում է այս հիվանդանոցը՝ իր աշխատանքի եւ հիվանդ երեխաներին օգնություն ցուցաբերելու համար: Շատ հաճախ իմ մեծ ընտանիքի ներկայացուցիչները հիվանդանոց են այցելու առանց ֆոտոխցիկների ուղեկցության՝ փոքրիկ հիվանդներին հաճույք պատճառելու համար»,- նշել է հայուհին:

Աղբյուրը՝ Daily Mail