Էդդի Մերֆին «Ուղեւորություն դեպի Ամերիկա» լեգենդար ֆիլմի երկրորդ մասը կնկարահանի
14:34 17 մարտի, 2017Հիշո՞ւմ եք՝ հեռավոր 1988 թվականին կինոյի նման գլուխգործոց կար՝ «Ուղեւորություն դեպի Ամերիկա», որտեղ արքայազն Ակիմին մարմնավորող Էդդի Մերֆին Նյու Յորք է մեկնում՝ հարսնացու գտնելու:
Հրաշալի կատակերգություն էր, եւ հաճելի լուր բոլոր նրանց համար, ովքեր ջերմությամբ են հիշում այն տարիները, երբ այդ ժապավենը ցուցադրում էին այստեղ:
Ըստ TMZ-ի՝ Էդդի Մերֆին որոշել է նկարահանել ֆիլմի երկրորդ մասը: Դերասանն իր Twitter-ում դերասանուհի Վանեսա Բել Քելոուեյի նկարն է հրապարակել եւ այսպես մակագրել.
«Ուղեւորություն դեպի Ամերիկա»-ի երկրորդ մա՞սը»:
Իհարկե, որոշ ժամանակ անց դերասանը ջնջել է գրառումը, բայց համացանցում արդեն իրարանցում է առաջացել:
Դե ինչ, նոր եւ հաճելի լուրեր ենք սպասում Էդդի Մերֆիից:
