58-ամյա Մադոննան համացանցում անձնական մարզիչ է փնտրում
17:02 17 մարտի, 2017Մադոննայի անունը «էպատաժ» բառի հոմանիշն է: Ինչ էլ նա անի, միշտ իրարանցման կամ սկանդալի հոտ է գալիս:
Հիմա էլ 58-ամյա երգչուհին տեսանյութ է հրապարակել, որում նա չիփս է ուտում եւ հայտարարում, որ անձնական մարզչի մրցույթ է հայտարարում:
Հավակնորդները պետք է հոլովակ նկարահանեն, որում պետք է ցույց տան, որ միանման լավ տիրապետում են ե՛ւ սպորտային, ե՛ւ պարային տեխնիկայի:
Որպեսզի փոփ-աստղը կարողանա անձամբ տեսնել յուրաքանչյուրին, հարկավոր է ձայնագրությանն ավելացնել #MadonnaChallenge եւ #DanceOn հեշթեգերը:
Եզրափակիչ անցածներին կորոշի DanceOn հանրությունը, որը շուրջ 100 միլիոն օգտատիրոջ է ներառում: Այն 2010 թվականին հիմնվել է Մադոննայի մասնակցությամբ:
Սակայն հաղթողին, ամեն դեպքում, Մադոննան կորոշի. լավագույնները Նյու Յորք կմեկնեն եւ կաշխատեն երգչուհու հետ, մինչեւ նա վերջնական որոշում կայացնի: