«Չեմ հավատում կատարելությանը». «Օրենքով շիկահեր» Ռիզ Ուիզերսփունը նշում է ծննդյան 41-ամյակը
18:02 22 մարտի, 2017Հոլիվուդյան դերասանուհի Ռիզ Ուիզերսփունն այսօր նշում է ծննդյան 41-ամյակը:
«Օրենքով շիկահերը» ֆիլմի աստղն իր կինոկարիերան սկսել է դեռ մանկուց, սակայն ճանաչում է ձեռք բերել «Մարդը լուսնի վրա» ֆիլմից հետո:
Բացի ֆիլմերում նկարահանվելուց` Ռիզը զբաղվում է նաեւ պրոդյուսինգով։ Դերասանուհին նաեւ կանանց եւ երեխաների իրավունքների պաշտպանության գրասենյակի անդամ է:
Ռիզը կարծում է, որ «կանայք ծնվել են հոգատար լինելու համար. նրանք հոգում են բոլորի մասին` ամուսնու, երեխաների, ընտանի կենդանիների… Նույնիսկ ժամանակ չի մնում մի փոքր հանգստանալու համար»:
Աստղի ամենահայտնի մեջբերումներից եւս մի քանիսը ներկայացնում ենք ստորեւ.
«Յուրաքանչյուրը սիրո կարիք ունի: Բոլորն են դրան արժանի»:
«Մինչեւ վերջ սիրուն նվիրվելու մեջ ոչ մի վատ բան չի կարող լինել: Միշտ էլ շահում ես՝ սեր տալով»:
«Դերասանական ոլորտում ինքնավստահությունն ամենակարեւոր բանն է»:
«Չեմ հավատում կատարելությանը: Չեմ կարծում, թե աշխարհում նման բան գույություն ունի»:
«Ֆիլմը հրաշալի բան է: Ես հաճույքով եմ նկարահանվում ֆիլմերում, բայց դա այն չէ, ինչը քեզ կարող է ջերմացնել գիշերը: Դա չէ կյանքիս կարեւորագույն նպատակը»:
«Ծիծաղելի է այն, որ այսօր ամեն ինչ կարող է որոշել զգեստը: Դու պարզապես շարժում ես հետույքդ եւ արժանանում մրցանակի»:
«Սիրում եմ երգել տանը, ավտոմեքենայի մեջ, բայց դա նյարդայնացնում է աղջկաս»:
«Կարծում եմ` ցանկացած լուսանկարում տգեղ եմ դուրս գալիս»:
«Աստված վկա՝ ամեն օր չես կարող ունենալ հաջողություն: Ամեն տարին հաջողակ չի կարող լինել: Պարզապես պետք է գնահատել հրաշալի ակնթարթները»: