Մոտ 400 կտոր թանկարժեք զարդեր Cartier-ի պատմական հավաքածուից ցուցադրվել են Մադրիդի Տիսեն-Բոռնեմիսի թանգարանում։
«Cartier-ի արվեստ» (Art of Cartier) անունով ցուցադրության մեջ ներգրավված են Գրեյս Կելլիի եւ Էլիզաբեթ Թեյլորի նման աստղերի միակ օրինակով արված թանկարժեք զարդեր, ինչպես նաեւ՝ Կոկո Շանելի զարդերը, հաղորդում է The Daily Mail-ը։
Թագերը, օղերն ու վզնոցները թանգարանում կներկայացվեն հոկտեմբերից։ Ցուցահանդեսը հնարավորություն է տալիս հետեւել Cartier-ի տան զարգացմանը՝ XX դարի դասականից մինչեւ արտ-դեկո ոճի զարդեղեն եւ թանկարժեք իրեր, որոնք արվել են Չինաստանի, Եգիպտոսի եւ Հնդկաստանի մշակույթների ազդեցությամբ։