Երեկ մայրաքաղաքում մեկնարկեց միջազգային՝ Music Drive Festival ռոք փառատոնը, որը կշարունակվի երեք օր:
Համերգները տեղի են ունենում Գ. Սունդուկյանի անվան թատրոնում եւ երեւանյան ակումբներում: Փառատոնի առաջին օրը հանդես եկան մեր՝ Artsruni Progressive Music Act, Time Report, Dogma խմբերը, Human Ellement-ն (ԱՄՆ), եւ, գրողը տանի, Corpo-Mente-ն (Ֆրանսիա):
Սա Artsruni Progressive Music Act է՝
Իսկ սա՝ Time Report-ը՝
Ամեն ինչ շատ լավ էր, բայց, կարծես, մի քիչ պակասում էր հանդիսատեսի հետ շփումը:
Բայց հետո բեմ բարձրացան ֆրանսիացիները: Թող մեզ ներեն նրանց նախորդող խմբերը, բայց այս նյութը ձոն է՝ ուղղված Corpo-Mente խմբին: Մենք մյուսների մասին չենք գրի, եւ դրա համար կարող եք անգամ քարկոծել մեզ (նույնիսկ երկու անգամ), բայց եթե դուք այդ խմբին չեք լսել՝ շատ բան եք բաց թողել: Միջազգային մակարդակի կատարում:
Սա գեղեցկուհի Լորեն է
2012 թվականին ստեղծված խմբի ոճը հնարավոր չէ մեկ խոսքով նկարագրել, բայց այն, որ նրանք համարձակ փորձարկումներ են անում եւ շատ հաջող՝ փաստ է:
Զգացեք հաճույքը:
Ես, գրողը տանի, էքստազի մեջ եմ:
Ինչպե՞ս կարելի է սրանից հետո ուրիշ բան լսել:
Զգո՞ւմ եք վոկալը:
Պարույր Սինյավսկի
Լուսանկարները՝ Արսեն Սարգսյանի