46-ամյա Նաոմի Քեմփբելը նկարահանվել է Sorbet Magazine ամսագրի համար, ինչի մասին են վկայում պարբերականի Facebook-ի էջում հայտնված լուսանկարները:
Մոդելը նկարահանվել է Sorbet Magazine-ի գարնանային համարի շապիկի համար:
Նաոմին կեցվածք է ընդունել Burberry-ի վերարկուով եւ Marni ճտքավոր կոշիկներով:
Գեղեցկուհուն նկարել է իսպանացի լուսանկարիչ եւ նրա մտերիմ ընկեր Նիկո Բաստոսան:
Ի դեպ, օրերս մոդելը մասնակցել է նաեւ King Kong Magazine-ի նոր ֆոտոսեսիային, որը լույս է տեսնելու երրորդ անգամ:
Լուսանկարիչ Ջեք Վաթերլոուն Նաոմիին նկարահանել է տարբեր կերպարներով ու հագուստով:
Ֆոտոսեսիան «Մահացու թագուհին» անվանումն է ստացել։