«Ես ապրում եմ գլամուրի մեջ». Լեդի Գագան նշում է ծննդյան 31-ամյակը
15:35 28 մարտի, 2017Ամենաէպատաժային, ամենատարբերվող, ամենաքննարկվող ու ամենահամարձակ երգչուհիներից մեկը` Լեդի Գագան, այսօր` մարտի 28-ին, նշում է ծննդյան 31-ամյակը:
Ամերիկացի երգչուհին կարիերան սկսել է ակումբներում երգելով, մնչեւ որ 2007 թ-ին նրան նկատել է պրոդյուսեր Ուինսենթ Հերբերթն ու առաջարկել պայմանագիր կնքել Streamline Records-ի հետ: Շուտով երգչուհու վոկալային տվյալները գրավում են նաեւ ռեփեր Էյքոնին, որի հետ համագործակցության շնորհիվ` Գագային հաջողվում է թողարկել երաժշտական ալբոմ:
2008 թ-ին ստեղծվում է The Fame ձայնասկավառակը, որը քննադատների կողմից միայն դրական արձագանքների է արժանանում: Ձայնասկավառակի երգերից շատերը դարձան հիթ, որոնցից են` «Just Dance»-ը, «Poker Face»-ը, «LoveGame»-ը եւ «Paparazzi»-ին:
Երգչուհին հայտնի է ոչ միայն իր հիթային կատարումներով, այլեւ արտասովոր կերպարով եւ խելահեղ պարային շարժումներով:
«Ես աշխարհի լավագույն պարողներից չեմ, բայց այն, ինչ անում եմ, միանշանակ, լավ է ստացվում»,-մի առիթով նշել է նա:
Լեդի Գագայի հայտնի մեջբերումներից եւս մի քանիսը ներկայացնում ենք ստորեւ.
«Ես երազանք ունեի. ես իսկապես ցանկանում էի դառնալ աստղ: Այնքան անվախ էի դարձել իմ նպատակների մեջ, որ նմանվել էի հրեշի»:
«Անկախ նրանից, թե ինչ դիմահարդարում ունեմ` ներսից ես նույն մարդն եմ»:
«Ես գլամուրային աղջիկ եմ, հավատում եմ գլամուրային կյանքին եւ ապրում եմ գլամուրի մեջ»:
«Ես արտիստ եմ: Ես իրավունք ունեմ ներկայացնել ինձ այնպես, ինչպես ցանկանում եմ, որ աշխարհն ինձ ընկալի»:
«Ես այնպիսին եմ, ինչպիսին կամ` թե՛ բեմում, թե՛ կյանքում: Գիտեմ` երկրպագուներիս դա դուր է գալիս»:
«Ես արվեստի քայլող մի մասնիկ եմ: Իմ երազանքներով ու նպատակներով ես ոգեշնչում եմ միլիոնավոր երկրպագուներիս»:
«Ես հասկացել եմ, որ արվեստի մեջ շատ ճշմարտություն կա, բայց կա նաեւ սուտ: Հենց այդ փոքրիկ սուտն է ստիպում հանդիդսատեսին սիրահարվել քեզ»:
«Իմ քաջության ու համարձակության համար մարդիկ ինձ քարկոծում էին: Շատերն էին մտածում. «Տեսնես իրեն ո՞ւմ տեղն է դրել այս աղջիկը»»:
«Հայրս ինձ համար ամեն ինչ է: Երազում եմ գտել մի տղամարդու, որն այդչափ հոգ կտանի իմ մասին, ինչպես որ հայրիկս»:
Սյունե Առաքելյան