Արծվիկը՝ WiwiBloggs-ում «Եվրատեսիլ-2017»-ի լավագույն երգչուհու քվեարկության առաջատար
17:25 28 մարտի, 2017Հեղինակավոր՝ WiwiBloggs կայքում սկսվել է «Եվրատեսիլ-2017»-ի լավագույն երգչուհու ընտրության քվեարկությունը: Դրանում ներկայացված են մրցույթի բոլոր կին մասնակիցները, այդ թվում՝ Հայաստանը ներկայացնող Արծվիկը: Վերջինս քվեարկության առաջատարն է:
Այս պահի դրությամբ՝ նա ստացել է կայքի այցելուների քվեների 10 տոկոսից ավելին: Նրան հաջորդում է Բելգիայի ներկայացուցիչը, ապա՝ Լեհաստանինը: Արծվիկի օգտին կարող եք քվեարկել ահա այստեղ:
Քվեարկությունը կավարտվի մրցույթը մեկնարկելուն պես՝ մայիսի 9-ին:
Հիշեցնենք, որ ավելի վաղ Արծվիկի մասին հոդված էր հրապարակվել հեղինակավոր The Huffington Post-ում. «Նրա տաղանդն ուղղակի աննկարագրելի է։ Ճիշտ ընտրված երգն ու բեմադրությունը նրան իսկապես կարող են հասցնել մրցույթի առաջին հորիզոնական»,-կարծում է պարբերականը։