Ջենիֆեր Լոուրենսը՝ Dior-ի ֆոտոսեսիայում
16:43 31 մարտի, 2017Ջենիֆեր Լոուրենսը հայտնվել է Dior-ի գովազդային արշավում: Դերասանուհին ապրանքանիշի դեմքն է 2012 թվականից: Նրա հետ նույն թիմում են նաեւ Ռոբերտ Պատինսոնը, Նատալի Պորտմանը, Շարլիզ Թերոնը եւ Մարիոն Կոտիյարը:
26-ամյա գեղեցկուհին փորձել է Մարիա Գրացիա Կյուրիի՝ Աշուն-2017 հավաքածուի նմուշները:
Դերասանուհուն լուսանկարել է ֆրանսիացի լուսանկարիչ Բրիջիթ Լակոմբը:
Շապիկներից մեկի վրա «Մենք բոլորս պետք է ֆեմինիստ լինենք» գրությունն է:
«Ջենիֆերի բնական գեղեցկությունը լրացուցիչ ուժ է ստացել մատանիների, մանյակների, աքսեսուարների, պայուսակների շնորհիվ»,- նշել են նորաձեւության տան ներկայացուցիչները:
«Միշտ հաճույք եմ ստանում Dior-ի հետ աշխատանքից, որի մոտ նորաձեւություն եւ գեղեցկություն հասկացությունները ներդաշնակորեն լրացնում են իրար»,- իր հերթին հայտարարել է դերասանուհին:
Աղբյուրը՝ Daily Mail